Աֆորիզմներ՝ Հնդկական մտքեր

0
194

Հնդիկներ, (հինդի՝ भारत के लोग) Հնդկաստանի ժողովուրդների մեծ մասն են։ Ամենաշատ թվով հնդիկներ ապրում են Հնդկաստանում։ Մեծ թվով հնդիկներ կան նաև ԱՄՆ-ում, Մյանմայում, Սաուդյան Արաբիայում, Միացյալ Թագավորությունում և այլ երկրներում։
Հնդիկները խոսում են հինդիով, սակայն պաշտոնական լեզու է համարվում անգլերենը, որը տարածվել է Միացյալ Թագավորության գաղութացման շրջանում։
Հնդկաստանը համարվում է հինդուիզմի, բուդդայականության, ջայնիզմի և սկիհիզմի հայրենիքը: Դրանք բոլորն էլ համարվում են Հնդկաստանի կրոններ։ Առավել տարածված են հինդուիզմը և բուդդայականությունը, որոնք աշխարհի երրորդ և չորրորդ խոշորագույն կրոններն են և ունեն համապատասխանաբար 2 և 2,5 մլն հետևորդներ: Հնդկաստանը նաև համարվում է Ջայնիզմի որոշ հավատալիքների ծննդավայր։
Հնդկաստանը աշխարհի ամենաբազմազան կրոններ ունեցող երկրներից մեկն է։ Կրոնը այս երկրում իր հստակ դերը ունի երկրի մշակույթի, և հասարակության կյանքում։
Հնդիկների 80%-ը դավանում են հինդուիզմ: Հնդիկների 13%-ը դավանում են իսլամ, իսկ 7%-ը այլ հավատքներ(բուդդայականություն, ջայնիզմ, սինտոիզմ, քրիստոնեություն, աթեիզմ)։ Հնդկաստանում կան նաև զրադաշտներ, հուդդայականներ և բրահմաներ։ Այս կրոնների ներկայացուցիչները քիչ են և Հնդկաստանում ևս չնչին մաս են կազմում։
Առաջարկում ենք ծանոթանալ հնդիկների ամենահանճարեղ 29 մտքերին՝

  1. Եթե ինչ-որ մեկը քեզ մեկ անգամ դավաճանել է, դա նրա մեղքն է, իսկ եթե 2-րդ անգամ է դավաճանում, դա քո մեղքն է։
  2. Սովորիր ուրիշների սխալների վրա։ Հնարավոր չէ այնքան երկար ապրել, որ դրանք բոլորը փորձարկես քեզ վրա։
  3. Մեծագույն ուղեղները քննարկում են գաղափարները, միջինները՝ իրադարձությունները, իսկ փոքր, մանր ուղեղները՝ մարդկանց։
  4. Ուշադիր եղիր հյուրիդ նկատմամբ, անգամ, եթե նա քո թշնամին է։ Նույնիսկ կացինը ձեռքին անտառահատին ծառը չի մերժում ստվեր տրամադրել։
  5. Չի եղել, չկա ու չի կարող լինել այնպիսի մարդ, ով արժանի լինի միայն պարսավանքների կամ միայն գովեստների։
  6. Գիտելիքը թաքնված է յուրաքանչյուր իրի մեջ։ Կար ժամանակ, երբ աշխարհը գրադարան էր։
  7. Հիմարին խորհուրդներ տալն անօգուտ է։ Դա միայն նրան զայրացնում է։
  8. Ուրիշների համար ապրող մարդու համար անգամ շատ կարճ կյանքը երջանկությամբ է լցված։
  9. Չմխիթարվածը մխիթարվում է անցածով, թուլամիտը՝ ապագայով, խելացին՝ ներկայով։
  10. Երջանկությունն ինքն է ճանապարհ գտնում դեպի հոգով ուժեղը։
  11. Երեխան հյուր է քո տանը, կերակրիր, խմեցրու և բաց թող։
  12. Գլուխդ մի գովիր ճանապարհ գնալիս, այլ դա արա հետադարձիդ ճանապարհին։
  13. Կանայք գիտնական են բնությունից, իսկ տղամարդիկ՝ գրքերից։
  14. Ինքդ քեզ հաղթելն անպարտելի լինելու լավագույն եղանակն է։
  15. Ուրախությամբ է լցված աշխարհը բոլոր նրանց համար, ովքեր բոլորին առանց թշնամանքի ու նախապաշարմունքների են նայում։
  16. Եթե հնարավոր չէ խուսափել վտանգից, ի՞նչ իմաստ կա վախկոտության մեջ, որը, միևնույն է, քեզ չի պաշտպանելու։
  17. Ճշմարտությունն այն է, ինչին մարդիկ հավատում են։
  18. Եթե դու իմաստուն ես, ապա մի հակառակվիր հարուստին, իշխանավորին, երեխային, ծեր մարդուն, ասկետին, իմաստունին, կնոջը, հիմարին ու ուսուցչին։
  19. Ինքդ քեզ կառավարելու համար գործի դիր գլուխդ։ Ուրիշների հետ շփվելու համար օգտագործիր սիրտդ։
  20. Եթե կինը փայլում է, ապա փայլում է ողջ տունը։ Մռա՞յլ է կինը, ուրեմն ողջ տունը թաղված է խավարի մեջ։
  21. Կարելի է բռնել վագրին անտառի թավուտում, թռչունին՝ երկնքում, ձկանը՝ ջրերի խորքում, բայց չի կարելի որսալ կնոջ անկայուն սիրտը։
  22. Երբ պետք է ուրիշներին խորհուրդներ տալ, յուրաքանչյուրն իմաստնության շտեմարան է։ Իսկ երբ պետք է, որ ինքդ հետևես այդ խորհուրդներին, ապա իմաստունն էլ հիմարից խելոք չէ։
  23. Չեն երևում թռչունի հետքը երկնքում, ու ձկանը՝ ջրում։ Այդպիսին է և բարերարների ճանապարհը։
  24. Մարդու զարդարանքն իմաստնությունն է, իմաստնության զարդարանքը՝ հանգստությունը, հանգստության զարդարանքը խիզախությունն է, իսկ խիզախության զարդարանքը՝ փափկությունը։
  25. Խելամիտն իրավիճակը գնահատում է իր սեփական դատողության համաձայն, հիմարը վստահում է հանրության ասածին։
  26. Նեղվածությունը գրեք ավազի վրա, իսկ բարի գործերը փորագրեք մարմարին։
  27. Աստիճանի վերին հարթակին բարձրանալու ամենաբարդ բանը նրա ստորին հատվածի ամբոխը ճեղքելն է։
  28. Հիմարը դատարկ բանից մեծ աղմուկ է բարձրացնում, իսկ խելոքն անգամ մեծ գործեր նախաձեռնելիս հանգստություն է պահպանում։
  29. Մենք ի վիճակի չենք փոփոխել մեր կյանքի տևողությունը, բայց մենք կարող ենք ինչ-որ բան անել նրա լայնության ու խորության վերաբերյալ։

Այլ գրառումներ